Në një restorant në Velipojë, 33-vjeçari kërcënon me armë kuzhinierin – dalin detajet e ngjarjes

16:49 | 30 Qershor 2024
E.G

Një ngjarje e rëndë ka ndodhur në një restorant në Velipojë, ku një 33-vjeçar pas konfliktit, i ka drejtuar armën kuzhinierit.

Policia bën me dije se 33-vjeçari kur konstatoi se po vinin blutë, ka hedhur armën e zjarrit dhe është larguar me shpejtësi.

Ngjarja ndodhi në një lokal në fshatin Pulaj-Plazh, ku rezultoi se në lokalin me administrator shtetasin E. F., kishte ndodhur një konflikt i çastit mes shtetasve E. H., 20 vjeç, kamarier i lokalit dhe shtetasit A. F., 33 vjeç, banues në Vaun e Dejës, kuzhinier i lokalit.

Në konflikt ishte përfshirë dhe shtetasi E. I., 33 vjeç, banues në Shkodër, i cili kishte kanosur me armë zjarri pistoletë kuzhinierin e lokalit, shtetasin A. F.

Grupi hetimor nën drejtimin e Prokurorisë vijon veprimet hetimore për sqarimin dhe dokumentimin e plotë ligjor të rastit, ndërsa vijon puna për kapjen e 33-vjeçarit./tch